Qeveria vendos financimin e shërbimit të disa paketave shëndetësore. Vendimi rregullon edhe kontratat e shërbimit në institucione private

Qeveria shqiptare ka marrë sot një vendim përmes të cilit rregullohet financimi i paketave shëndetësore nga Fondi i Sigurimit të Detyrueshëm të Kujdesit Shëndetësor. Në këtë kuadër do të mbulohen “Paketa e shërbimit të dializës; paketa e shërbimeve të kardiologjisë; paketa e shërbimeve të kardiokirurgjisë; paketa e shërbimit të transplantit të veshkës; paketa e shërbimit të implantit koklear”. Vendimi në fjalë ka edhe disa klauzola që sqarojnë procedurën që ndiqet. Konkretisht: “Fondi i Sigurimit të Detyrueshëm të Kujdesit Shëndetësor financon paketat e mësipërme në institucione shëndetësore publike, në përputhje me kapacitetet e tyre për ofrimin e shërbimeve të paketave. Për rastet që janë përtej kapaciteteve mjekësore të institucioneve shëndetësore publike, Fondi lidh kontrata dhe financon shërbimet e paketave në institucione shëndetësore private”. E gjithë kjo veprimtari do të shoqërohet me struktura auditimi dhe monitorimin e financimit të paketave.

http://kryeministria.al/al/newsroom/vkm/vendime-te-miratuara-ne-mbledhje...

s.z