Putin: Kosova është tokë serbe dhe ne do t’i përkrahim serbët në ruajtjen e territorit të tyre

Në një kohë kur ministri i Punëve të Jashtme të Kosovës, Enver Hoxhaj, lajmëron se numri i shteteve që kanë njohur pavarësinë e vendit ka mbërritur në 101, vjen një deklaratë e Presidentit të Rusisë, Vladimir Putin, i cili thotë se Kosova është territor serb. “Moska, edhe më tej në skenën ndërkombëtare, do të mbajë qëndrimin se Kosova është juridikisht territor serb”. Sipas gazetës serbe, “Novosti”, Putin e ka bërë këtë deklaratë gjatë takimit me kreun e kishës serbe, Irinej. Presidenti rus ka thënë se Rusia nuk do ta njohë pavarësinë e  Kosovës, sepse sipas tij ka ardhur në shkelje të Rezolutës 1244 të OKB-së dhe me të gjitha normat e bashkësisë ndërkombëtare. “Moska do të përkrahë serbët në luftën e drejtë për të ruajtur territorin e saj, popullin dhe tempujt në Kosovë”, shton Putin. Më pas ai ka theksuar se ka informacione për vuajtjet e popullit serb dhe popullatës tjetër jo serbe në Kosovë.

Re.Pu