Putin: Duam të rikthehet qetësia në Ukrainë, respektojmë vendimin e ukrainasve

Presidenti rus Vladimir Putin do të respektojë vendimin që do të marrë populli ukrainas në zgjedhje. “Në parim, sipas Kushtetutës, nuk mund të ketë zgjedhje pasi presidenti Janukoviç vazhdon të jetë ende presidenti në fuqi. Por ne duam gjithashtu që në fund të fundit të rikthehet qetësia në Ukrainë, pra ne do të respektojmë vendimin e popullit ukrainas.”, deklaroi Putin.

“Sikurse sot ne punojmë me ata që kanë kontrollin dhe pushtetin edhe pas zgjedhjeve ne do të punojmë natyrisht me autoritetet e zgjedhura”, ka shtuar Putin. Ukraina ndodhet në situatën kur do të zhvillojë  ditën e dielë zgjedhjet presidenciale të parakohshme. Rusia ka ngulur këmbë për shumë kohë në qëndrimin e saj se autoritetet aktuale në Ukrainë nuk janë legjitime, pasi kanë ardhur në pushtet me grusht shteti. S.S