Promovimi i vlerave të trashëgimisë nëpërmjet një Festivali xhazi në Berat

Me rastin e edicionit të parë të  “Jazz & Wine Festival Interantional Albania 2014” që do të zhvillohet në qytetin e Beratit në datat 5 dhe 6 shtator, në ambientet e Ministrisë së Kulturës, u mbajt edhe konferencë për shtyp.  Ministrja e Kulturës, Mirela Kumbaro, producentja e Festivalit Eda Zari e Prof.Vaso Tole, prezantuan idenë dhe qëllimet e këtij eventi. Në fjalën e hapjes, ministrja Kumbaro u shpreh se “mes historisë, kulturës, traditës dhe modernes do të çel siparin në qytetin e Beratit edhe edicioni i parë i një festivali, i cili nëpërmjet verës dhe muzikës, do të paraqesi politikën e ministrisë lidhur me promovimin e trashëgimisë kulturore materiale dhe jo materiale, të cilat do të prezantohen midis ushqimit dhe verës”. Nga ana tjetër, këngëtarja e njohur Eda Zari, u shpreh se “kulturat e mëdha nuk kanë nevojë të shfaqen në metropole, pra Berati i UNESCO-s, është një qytet me vlera, histori, dhe një kulinari mjaft të pasur, dhe nëpërmjet muzikës Jazz dhe asaj Iso Polifonike, ne do të promovojmë vlerat e këtij qyteti të cilin nuk e kemi zgjedhur rastësisht, por sepse ai përfaqëson dhe ka një rëndësi historike dhe kulturore në botë, i cili është titulluar edhe “Trashëgimi Botërore” nga UNESCO”

L.V