Probleme me listat edhe në zgjedhjet europiane. Mediat shkruajnë se mijëra njerëz mund të votojnë dy herë

Sot kanë nisur votimet për Parlamentin Europian, rezultati i të cilave po pritet me padurim për shkak të parashikimit për një rritje të peshës së partive populiste. Por sot mediat po nxjerrin edhe një problem të karakterit teknik,  e që lidhet me standardin e vetë procesit zgjedhor. Kështu bëhet e ditur se depozitimi i listave elekotronike nga vendet anëtare është bërë me vonesë dhe për këtë arsye nuk është e pamundur që votuesit të pajisen me dy karta votimi: një nga autoritetet e vendit të tyre të origjinës dhe një tjetër nga vendi ku janë rezident. Madje një gazetë holandeze shkruante se vetëm në Holandë, numri i njerëzve të pajisur me dy karta elektronike ka shkuar në 157 mijë. Sanksioni po ashtu është i qartë për ata që votojnë dy herë: ose gjobë me 4000 euro, ose burg. Por fakti është se përllogariten se në Europë, janë 8 milionë njerëz që jetojnë në një vend të ndryshëm nga ai i origjinës.

http://euobserver.com/eu-elections/124211

s.z