Pritet të shpallet fituesi i Nobelit për letërsinë; Kadare nuk ka qenë kandidati i ditëve të fundit

Pritet nga çasti në çast të shpallet nga Akademia suedeze fituesi i Nobelit për letërsinë. Shkrimtari ynë, Ismai Kadare, është përmendur si kandidat, por nuk duket se rezulton në top-listën e atyre që presin ta marrin. Ditët e fundit janë përmendur si fitues të mundshëm poeti sirian Adonis; poeti suedez Tomas Transtromer; novelisti algjerian Assia Djebar, dhe shkrimtari japonez Haruki Murakami. Sipas bookmakers-ave britanikë, duhen llogaritur edhe shkrimtari hungarez, Peter Nadas, e poeti korean Ko Un.

Ismail Kadare nuk figuron ndër kandidatët. Por kjo nuk është domosdoshmërisht domethënëse, apo ogur i keq. Mario Vargas Llosa e fitoi këtë çmim në vitin 2010 pa qenë fare pjesë e gjeratores mediatike. Askush pra s’e përmendte si kandidat, dhe ishte fitues.

Sidoqoftë, nuk do na duhet të presim shumë. Është punë minutash, dhe lajmi mbi fituesin e Nobelit për letërsinë do të publikohet nga të gjitha gazetat e agjencitë e informacionit.

Re.Pu.