Presidenti dhe ministri i Drejtësisë, të ndarë për reformën në drejtësi. Nishani: “Nuk ecet me sulme të përgjithshme ndaj sistemit”

Presidenti dhe ministri i drejtësisë kanë replikuar gjatë diskutimit në tryezën e sotme për reformën në drejtësi, zhvilluar në kuadër të Projektit Euralius IV, “Konsolidimi i Sistemit të Drejtësisë në Shqipëri”. Ministri Nasip Naço ka theksuar se reforma duhet “të ndërgjegjësojë më shumë gjyqtarët, të cilët kur puthitin shkopin me tryezën e tyre për të dhënë vendim, të kenë parasysh zbatimin e ligjit dhe vetëm ligjit, duke qenë transparent dhe mbi gjithçka konseguent me vendimet e tyre”. Një apel që për presidentin duket se nuk merr parasysh se është qeveria ajo që me retorikën e saj po bllokon reformën. “Është koha të lëmë pas fjalët dhe shënjestrimin individual. Është koha të nisim e të përcaktojmë udhën që do ndjekim. Tryezat janë fjalë, tashmë është koha për vepra. Me keqardhej po kosntatoj është ende në ngërç dhe se takimet që pasuan atë të 6 tetorit nuk godasin në shenjë. Nuk avancohet duke përsëritur me të njëjta teza...të gjithë në sulm ndaj sistemit. Nuk avancohet me reformën pa një axhendë pune”, tha Bujar Nishani.  

s.z