Politikanët përballen edhe me statuse

Rrjetet sociale kanë qenë tribuna kryesore ku politikanët kanë shprehur opinionet e tyre për ngjarjen e Divjakës. Kryeministri Edi Rama në një postim në Facebook sqaron se partnerët ndërkombëtare janë të impresionuar nga lufta e qeverisë kundër drogës. Rama i është referuar edhe një miku të huaj, sipas të cilit vetëm në Shqipëri mund të ndodhë që policia të sulmohet pas një aksioni të suksesshëm si ai i një ditë më parë.

Në të njëjtën frymë, një nga deputetët më aktivë në rrjetet sociale Erion Braçe, ka theksuar se kapja e drogës është një sukses i policisë dhe qeverisë shqiptare. Sipas tij në kohen kur qeverisnin të djathtët avionët me drogë as nuk ndaloheshin. Por nga ana tjetër qëndrimet e opozitës në rrjetet sociale kanë qene të ashpra.

Nënkryetarja e PD-së, Jozefina Topalli, ka kërkuar largimin e qeverisë Rama. Në një postim në Facebook, Topalli deklaron se opozita duhet të kërkojë seancë urgjente dhe të kërkojë mocion mosbesimi për qeverinë.

/Vizion Plus/