Policia konfiskon një shumë të madhe parash në shtëpinë e imam Shefqet Krasniqit, në Prishtinë

Në shtëpinë e imam Shefqet Krasniqit, në Prishtinë, sipas “Koha Ditore” janë gjetur dhe konfiskuar një shumë e madhe parash. Kurse në shtëpinë e Fuad Ramiqit janë gjetur dhe konfiskuar shumë dokumente si dhe disa kompjuterë. "Koha Ditore" shkruan se policia e Kosovës ka arrestuar 15 persona si të dyshuar për terrorizëm e nxitje dhunë dhe nxitje të urrejtjes ndërfetare. Të gjithë të arrestuarit po merren në pyetje nga policia.

Përveç imamit Shefqet Krasniqi, janë arrestuar edhe katër imamë të tjerë: Mazllom Mazllomi, Enis Rama, Ekrem Avdiu e Fuad Ramiqi. Është hera e dytë brenda pak ditësh që arrestohet imami Krasniqi. Në orët në vijim pritet të merret vesh diçka më shumë lidhur me akuzën që rëndon mbi të arrestuarit.

L.V