A po zhvillohet gjueti shtrigash në PD, pas zgjedhjes së Lulzim Bashës kryetar?

Pyetja të lind vetvetiu pas përplasjeve të fundit që po ndodhin, kryesisht në median sociale, midis figurave të larta në Partinë Demokratike. Ai që hapi Kutinë e Pandorës ishte Astrit Patozi, i cili tani po sulmohet rregullisht nga emra të njohur në selinë blu. Gara e brendshme dhe zgjedhjet për kryetarin e ri duket se janë kthyer në një mollë sherri mes përfaqësuesve të kësaj partie, duke shmangur kështu analizën e humbjes së zgjedhjeve të përgjithshme më 23 qershor, raporton e përditshmja Shqip.

Ajo sjell edhe dy reagime të reja të dy eksponentëve demokratë: “Sado mall e pare të kesh vënë, nuk ka mjerim më të madh se të bëhesh ekzaktësisht si ata që ke sharë…” shkruan deputeti i PD-së, Gent Strazimiri, i cili thekson se zgjedhjet në PD ishin më të mirat e zhvilluara ndonjëherë nga një parti politike në Shqipëri.

Ndërsa Gjokë Uldedaj ka shkruar: “Eshtë shumë e rëndësishme që të mos ta lodhim anëtarësinë me opinione të atyre që u shkëputën nga anëtarësia dhe sot përpiqen ose të hiqen të moderuar ose të kontestojnë një proces dhe një garë transparente me një pritshmëri të lartë”.

Re.Pu