Po, ka prova për trafik droge në Gjadër, tha Llalla. Mos është bërë në kohën e Berishës? Ka shumë gjasa, thotë M.Baze

Në përgjigje të pyetjes “A ka prova konkrete Prokuroria?”, kryeprokurori i Republikës Adriatik Llalla tha: “Normalisht që ka”. Pyetja dhe përgjigja që ditën e sotme bënë xhiron e medias, kishte të bënte me hetimet për Gjadrin, ku në bazë të raportit të depozituar nga policia e Lezhës thuhet se bëhet fjalë për disa fluturime të dyshuara për trafik droge. Kjo deklaratë e Llallës ishte surprizë sepse në pamje të parë duket se vërtetohen akuzat e ish ministrit të mbrojtjes Imami dhe deputetit të PD-së Berisha. Por duket se pikërisht akuzatorët nuk kanë reaguar pas pohimit të kryeprokurorit. Për botuesin dhe analistin Mero Baze, kjo heshtje shpjegohet me shqetësimin e tyre se realisht, trafiku i dyshuar i bie të jetë kryer nën qeverisjen Berisha. I bie që tani që ai dhe Imami duket se shkuan shumë larg, opozita po kujdeset të hapë fronte të tjera debatesh dhe akuzash, ku në vend të parë ka ardhur (për të disatën herë) tema “Enver Hoxha” dhe “nostalgjikët e diktaturës”.

a.k