Plani urbanistik i Tiranës 2013, Shkreli: “Po ndodh diçka e tmerrshme”

Sipas planit të përgjithshëm urbanistik të 2013 të Tiranës, kudo në Tiranë do të ndërtohet, edhe në zonat ku nuk lejohet, deri edhe në digën e liqenit artificial. Alarmin e ngre arkitekti Artan Shkreli tek Shqiptarja.com e sotme, i cili shprehet se “ky është një plan që ndërton çdo gjë.”

Në Tiranë, sipas Shkrelit do të ndërtohet edhe mbi skarpatat e Lanës; edhe te parku pas Pallatit të Kulturës  (që vetë Basha e bëri park); edhe te zona e Piramidës do të ndërtohet, edhe nëse nuk bëhet Pralamenti i ri, do të ndërtohet diçka tjetër; do të ndërtohet edhe prapa Hotel Dajtit te të gjitha vilat e rrugës së Elbasanit, “vilat aty nuik do të jenë më se edhe aty do të bëhen pallate” thotë Shkreli.

Ky plan ka përcaktuar ndërtime edhe aty ku nuk lejohet me ligj, por, sipas Shkrelit, nëse e miraton Kryeministri, ka forcën që të ndryshojë planet e mëparshme rregulluese. Sipas Shkrelit, Tiranës dhe asaj pak trashëgimie kulturore që i ka mbetur, duhet t’i themi “lamtumirë”

Dhe, duke ditur që biznesi, e sidomos ndërtimi kanë lidhje deri dhe të drejtpërdrejta me politikën, shanset që ky plan të zhbëhet ndonjëherë,  duken të vogla. Edhe pse, përveç individëve si Shkreli, nuk duket të ketë ndonjë merak të madh në establishmentin politik. K.C.