Pianodromi u hap me Guillermo Gonzalez-in. Mungonin Mirela Kumbaro & Fate Velaj

Mbremjen e djeshme salla e Universitetit te Arteve u vesh me tinguj spanjollë. Ishte nata e pare e Festivalit Nderkombetar Pianistik "Pianodrom". Eriona Rushiti, Nestor Kraja dhe Elvis Peçi, me idene e profesorit dhe kompozitorit Aleksander Peci, i cili eshte drejtori artistik i ketij festivali, kishin kuruar deri ne detajet me te imta fillimin e nje festivali me 20 mbremje te jashtezakonshme pianistike, qe do te zgjase deri ne janar 2014.

Do te jene te shumta premierat pianistike qe do te interpretohen ne kete festival, premiera keto shqiptare dhe te huaja.

Guillermo Gonzales interpretoi mbreme me emocionin e mberritjes per here te pare ne Shqiperi. Eshte pianisti dhe emri me i madh qe ka sot Spanja, emer i cili ka bere revolucion ne boten interpretative pianistike si edhe ne perhapjen e muzikes spanjolle neper bote! Emrin e Gonzalesit sot e mbajne nje numer shkollash muzikore ne Spanje.

Me nje repertor prej rreth 90 minutash pianisti Gonzales solli ne skene plot numra qe luheshin per here te pare ne Shqiperi, si dhe nje nder kryeveprat e repertorit pianistik "Iberia" e Albeniz. Koncertin ai e hapi me  premieren  boterore te kompozitorit shqiptar qe jeton ne Spanje, Cesar Aliaj.

Nuk ishte e rastesishme mbreme prezenca e ambasadorit te Spanjes, pasi celja e Pianodrom-it perkoi me diten nderkombetare te Spanjes. Por munguan Ministrja e Kulturës, Mirela Kumbaro, si dhe Këshilltari i Kryeministrit për Diplomacinë Kulturore, Fate Velaj.

Pianodrom sapo ka nisur. Ne vazhdim, pikerisht ne daten 16 tetor, performon ne kete festival pianisti holandez Marcel Vorms (Marsel Vorms), nje tjeter emer i madh por qe i takon muzikes blues (bluz) e Jazz (Xhaz). Ai vjen ne Akademine e Arteve me koncertin “Blues and Dances Worldwide''.

Re.Pu.