Pentagoni konfirmon 200 sulme ajrore të aleatëve dhe deklaron se ekipet amerikane po stërvisin opozitën siriane

Pentagoni bëri të ditur se ekipet amerikane kanë shkuar në Arabinë Saudite, me detyrën për të stërvitur opozitën siriane. “Zëri i Amerikë” gjithashtu bëri të ditur se  Sekretari amerikan i Mbrojtjes Chuck Hagel i tha gazetarëve se që nga e hëna, SHBA dhe aleatët arabë kanë kryer 43 sulme ajrore në Siri, ndërsa numri i sulmeve ajrore amerikane dhe franceze kundër militantëve të Shtetit Islamik në Irak e ka kaluar shifrën 200. Hagel bëri të njohur se ekipet vlerësuese mbërritën në Arabinë Saudite. Ato janë pjesë e planit ushtarak ammerikan për stërvitjen e elementëve të opozitës siriane për të luftuar militantët e Shtetit Islamik. Sekretari i Mbrojtjes tha se luftëtarët e opozitës po vëzhgohen nga ushtarakët amerikanë, ekspertët e diplomacisë dhe ata të zbulimit, për të përcaktuar se cilët sirianë do të trajnohen, por ende nuk është e qartë se kush do ta udhëheqë forcën siriane.

L.V

http://www.zeriamerikes.com/content/pentagon-saudi-arabia-us-teams/2464136.html