PD-ja ‘zien nga debati’ për shkak të Markut e Xhepës

Katër deputetë të PD-së ‘nuk kanë përtuar’ ta thonë të tyren pas kritikave që kanë bërë në adresë të maxhorancës dy kolegë të tyre, Marku e Xhepa. Dhe është interesante të vësh re se çfarë u del nga goja teksa përpiqen të kombinojnë luajalitetin ndaj Berishës me një si ‘tolerancë ndaj kritikës’. Ja se ç’kanë thënë:

Majlinda Bregu: “Secili ka të drejtë të shprehë mendimin e vet. Është shumë mirë që deputetë të caktuar kanë mendime të ndryshme. Por përgjigjen për qeverinë e mirë, për maxhorancën e mirë e të suksesshme, do ta japë qershori i vitit 2013.”

Jemin Gjana: “Vizioni programor i kësaj maxhorance që drejtohet nga PD-ja është harmonizim, përpjekje, forcë në luftën kundër brishtësisë së institucioneve për të zbatuar ligjet e për të kryer reformat”.

Dashnor Sula: “PD-ja ëhstë familje e madhe, e debatet, përpara se të dalin në treg, duhet të diskutohen nëpër forume”.

Tritan Shehu: “Qysh prej ditës së parë të themelimit të saj, e deri më sot, PD-ja ka qenë një parti në dinamizëm, në novacion, është një forcë politike që ka ndjekur hap pas hapi ndryshimet e vendit”.

Çfarë debati mes kolegësh!

E.G.