PD, frikë reale nga Bamir Topi? Në Tiranë për PD do garojnë “autoktonë”.

Ky mund të jetë njëri prej shkaqeve, në mos më i forti, për strategjinë e PD për Tiranën në zgjedhet e 23 qershorit. Sipas burimeve të gazetes Shqip, Berisha u ka kërkuar të vetëve që të mos lëshojnë asnjë nga zonat e sigurta, që janë njësitë bashkiake numër 2, 4, 9, 10 dhe 11. Thuhet se në listat për deputetë nuk do të ketë asnjë ministër dhe se po bëhen përpjeke të forta për të ftuar personalitete autoktonë. Kjo bëhet pikërisht në çastin kur lind frika se “autoktonët” e vërtetë mund t’i  marrë FRD, kryetari i së cilës, Topi dihet se ka mbështetje tek kjo pjesë e qytetarëve të Tiranës. Se sa “autoktonë” e njëkohësisht figura të pastra  e të papërlyer në qeverisje do të mund të gjenden që t’i vijnë në ndihmë barkës së pushtetit që diuket sikur po nis të fusë ujë, kjo nuk dihet. Ajo që Shqip raporton, është se ministrat pritet të dërgohen në rrethe dhe Tirana t’u lihet “autoktonëve”. Berisha u ka bërë thirrje militantëve që të mos lëshojnë asnjë votë, nga ato që PD ka pasur në zgjedhjet e fundit. k.c.