Partia e Fortë po kërkon “filial” në Maqedoni. Simboli... Aleksandri i Madh?

Kryetari i Partisë së Fortë në Kosovë, Visar Arifaj ka hedhur idenë që një parti si-motër të mund të ngrihet edhe te shqiptarët në Maqedoni.  “Jemi kah diskutojmë për këtë temë, dhe pse të mos ndodhë kjo”, është shprehur Arifaj, citon INA.

Duke thënë se cili do të ishte simboli i kësaj partie, për dallim nga simboli i PF-së kosovare (një shqiponjë muskuloze) Arifaj thotë se simboli duhet të jetë “Aleksandri i Madh”, pasi që edhe ky është një simbol i historisë kombëtare të shqiptarëve.

Partia e Fortë e ngritur si një fenomen i rrjeteve sociale, është e ligjëruar në Kosovë, dhe u përfshinë dhe në zgjedhjet lokale kryesisht për Prishtinën, ku kandidati i saj mori një numër simbolik të votave. Partia e Fortë përcolli mesazhe ironizuese gjatë fushatës, por edhe një skenë tallëse me subjektet e tjera politike në Kosovë. 

Ne.Su.