Përmendja e emrit të Qosjes dhe mungesa e emrit të Rugovës në fjalimin e Ramës irriton deputetët e LDK-së

Shumica e deputetëve të Lidhjes Demokratike të Kosovës e kanë bojkotuar fjalimin e kryeministrit të Shqipërisë, Edi Rama, i cili gjatë adresimit në Kuvend citoi edhe Rexhep Qosjen. Përccarës e ka quajtur fjalimin e Ramës deputeti i LDK-së, Arben Gashi për Gazetën Express. Gashi ka thënë se Edi Rama bashkë me të majtët në Kosovë dhe Shqipëri vazhdojnë të kenë urrejtje të pashërueshme ndaj emrit të Ibrahim Rugovës. Sidoqoftë, Gashi ka thënë se citimi i fjalëve të Rexhep Qosjes është normale për Edi Ramën, i cili vazhdon të ndjek politikën majtiste-komuniste.

Edhe Shefi i Grupit Parlamentar, të LDK-së, Ismet Beqiri e ka dënuar fjalimin e kryeministrit Edi Rama, pasi ai askund nuk e ka përmendur ish-Presidentin Rugova gjatë fjalimit në Kuvend.

 Përmendja e emrit të Qosjes dhe jo edhe të Rugovës ka ndikuar që deputetët e LDK-së të mos qëndrojnë deri në fund për të dëgjuar fjalimin e Kryeministrit të Shqipërisë.

Zh.