Përkujtohet 16- vjetori i vrasjes së liderit të dhjetorit Azem Hajdari dhe shoqëruesit Besim Çere. Basha: U vranë nga dora kriminale e armiqve të lirisë

16- vjetori i vrasjes së liderit të dhjetorit, Azem Hajdari është përkujtuar të premten nga drejtues të lartë të Partisë Demokratike. Ata bërë homazhe te momeriali i tij në qendër të Tiranës. “Azem Hajdari përbën zemrën tonë, forcën tonë, vendosmerinë tonë për të qëndruar fortë për vlerat e patjetërsueshme të demokracisë, lirisë dhe shtetit ligjor, përgjegjësisë para ligjit dhe të drejtat dhemelorë te qytetarëve. Sot në emer të PD-se e të çdo demokrati zotohemi se do mbrojmë vlerat e demokracisë”, tha kryetari i PD-së, Lulzim Basha gjatë nderimeve për Hajdarin. Simpatizante, miq dhe të afërm, gjithashtu bënë homazhe pranë momerialit. “Azem Hajdari dhe bashkëpunëtori i tij Besim Çere, u vranë 16 vjet më parë nga dora kriminale e armiqve të lirisë, demokracisë dhe të drejtave themelore të shqiptareve. Vrasja e tribunit të Lëvizjes Studentore të dhjetorit, Azem Hajdari, ishte një përpjekje e kotë për të rrëzuar bashkë me trupin e tij edhe idealet dhe vlerat për të cilat ai dhe miqte e tij u ngritën në dhjetorin e 1990-s, për të cilat u themelua dhe nisi misionin e saj historik Partia Demkratike, për të cilën u përkushtuan mijëra shqiptarë për të përmbysur terrorin më të egër të Evropës e për ta zëvendësuar atë me Shqipërinë e paqes, lirisë, demokracisë, vlerave me të çmuara të qytetërimit evropian”, 

L.V