Për Gjinushin, ndërkombëtarët ndahen në dy kategori

"Qeveria, LSI dhe Komisioni Europian janë përgjegjëse për mosmarrjen e statusit të vendit kandidat". Një akuzë e tillë erdhi dje nga kreu i Partisë Socialdemokrate, Skënder Gjinushi. Kryetari socialdemokrat vlerësoi si  jo korrekte qëndrimet e një pjese të ndërkombëtarëve të përfshirë në vlerësime për procesin e integrimit të Shqipërisë në BE.

Për Gjinushin, ndërkombëtarët ndahen në dy kategori: ata që shikojnë me objektivitet procesin e integrimit në Shqipëri dhe të tjerë që janë subjektiv dhe pozicionohen në mbështetje të qeverisë. Kreu i PSD-së tha se përgjegjës për dështimin e Shqipërisë në marrjen në dhjetor të statusit të vendit kandidat është PD dhe LSI. Për aleancat parazgjedhor, Gjinushi tha se PSD është e angazhuar të rrëzojë qeverinë aktuale duke theksuar se "për një pozicionim më të qartë për koalicionet do të shprehet në të ardhmen".

Re.Pu.