Opozita, e shqetësuar për 2 snajpera të blerë nga SHIU. Me ligj armë të tilla i lejohen vetëm policisë speciale

Deputeti i opozitës Ilir Gjoni, nënkryetar i Komisionit të Sigurisë në Kuvendin  e Shqipërisë në një shkrim botuar sot në të përditshmen SHQIP shkruan mbi një urdhër të ministrit të Mbrojtjes Imami (në foto) ku autorizohet ndërmarrja MEICO të realizojë kryerjen e importit të armëve të lehta nga kompania italiane BERETTA për llogari të SHIU-t. Në këtë blerje përveç artikujve të tjerë, MEICO parashikon blerjen e dy armëve snajper, tip SAKO TRG-42 që kushtojnë rreth 9 mijë euro.

Shkruan Gjoni: “…Pyetja shtrohet – Përse i duhen snajperët dhe automatikët SHIU-t?? Ligjvënësi nuk ka parashikuar asnjë lloj veprimtarie ushtarake nga ana e këtij shërbimi, gjë që e bën të pajustifikueshme dhe të dyshimtë marrjen në dispozicion të snajperëve dhe automatikëve. Punonjësit e SHIU-t, ashtu si dhe të gjithë punonjësit e tjerë të shërbimeve inteligjente, mund të mbajnë armatim personal, por kurrsesi nuk e kanë të justifikuar ligjërisht mbajtjen e snajperëve apo automatikëve për përmbushjen e detyrave të tyre… Për më tepër, Tabela e Organizimit dhe Pajisjeve (TOP) e SHIU-t  përcakton në mënyrë të saktë se çfarë personeli ka SHIU dhe çfarë pajisjesh ka (këtu hyn armatimi). TOP bëhet dhe është për gjithë ushtrinë (FA) dhe jo vetëm SHIU, por edhe pothuajse të gjitha repartet e FA-ve tona, nuk kanë snajperë, pasi nuk janë pjesë e TOP. Vetëm forcat speciale tona kanë…”

Më shumë:

http://gazeta-shqip.com/lajme/2012/09/10/gjoni-perse-i-duhen-snajperet-s...