Nuk takohemi...

Pas deklaratës së Ramës dhe Berishës për një takim të përbashkët para seancës së Kuvendit, kryetarët e grupeve parlamentare të dy partive, Gramoz Ruçi dhe Astrit Patozi, kanë pasur një komunikim mes tyre. Gjatë komunikimit, Ruçi i ka deklaruar se në takim duhet përfshirë edhe çështja e Fierit. Por kryeministri Sali Berisha deklaron se në takim nuk duhet të diskutohet për Fierin. Një njoftim i kryeministrisë i shpërndarë për media orët e mbrëmjes thotë: 

 “Kryeministri Berisha, në këto rrethana, shpreh shpresën dhe vendosmërinë e tij për diskutime në çdo nivel me Partinë Socialiste, për tre ligjet që presin votimin në Parlament, propozimet dhe amendimet e tjera. Këto ligje dhe votimi i tyre nuk kanë asnjë lidhje me një çështje lokale... Mesa duket me qëllimin e vetëm për të mos lejuar grupin e tij parlamentar për të votuar këto ligje, sipas kërkesës së Komisionit Europian në mënyrë që Shqipëria të marrë mbështetje për statusin e vendit kandidat në BE. Zoti Rama vazhdon të përdorë Fierin për të bllokuar votimin e tre ligjeve dhe statusin e vendit kandidat.  Kryeministri Berisha nuk do mund të pranojë diskutimin e vendimeve të gjykatave në tryeza politike. Ai ka qenë dhe mbetet i gatshëm për zbatimin e propozimit të tij të mocionit...” etj. A.N.