Nuk lejohet një mysliman të ketë mik një të krishterë (!) - u thotë hoxha kosovar ndjekësve të tij

Qendra Kosovare për Gazetari Hulumtuese ka siguruar një raport top-sekret të Policisë së Kosovës,  i para disa vjetësh, që flet për rrezikun e ëahabizmit në Kosovë. Ky raport i është dorëzuar kohë më parë edhe Komisionit Parlamentar për Siguri. "Rreziku për të cilin flet ky raport i Policisë së Kosovës për radikalizimin e Islamit në Kosovë nuk është vështirë të verifikohet në ligjëratat që mbajnë në xhami apo predikimet që i bëjnë në kanalet e tyre në youtube disa imamë të Bashkësisë Islame të Kosovës, - shkruante disa ditë më parë e përditshmja e Kosovës "Koha Ditore" në një artikull të gjatë ku ndër të tjera lexohet: "Në opinion grup i njerëzve që njihen si “Wahabistë”, janë njerëz me mjekra të gjata dhe pantallona deri te neni i këmbës. Ata nuk e pranojnë se janë të tillë. Përhapja e ideve të tyre dhe ushtrimit i ndikimit ndihmohet shumë përmes propagandës në internet dhe shkrimeve në media. Te jo pak të rinj kosovarë që marrin pjesë rregullisht në ligjëratat e tyre, ndikimi dhe lojaliteti tej mase i madh vërehet te pyetjet që bëjnë".  

Sa për të krijuar një ide se deri ku shkon ekstremizmi i tyre, shkëputëm një nga predikimet e një hoxhe me emrin Sabit Gashi për pyetjen: A lejohet një mysliman të ketë mik një të krishterë. Dhe ja përgjigja e hoxhës (Kosova, sipas të dhënave zyrtare të Bashkësisë Islame ka rreth 800 hoxhallarë, me 90 % të popullatës myslimane, 6 % ortodoksë, 3 % katolikë dhe 1 % të tjerë):
"A lejohet me e zan një krishter shok, me e ba shok? Unë them se jo. Allahu na ka këshilluar, na ka obliguar: O ju besimtarë mos i zini miq të krishterët dhe jehuditë ngase ata janë miq të njëri tjetrit. Kur thotë Zoti mos i zini miq nuk e ka qëllimin vetëm për martesa, por e ka qëllimin mos i zini shokë, pra mos e bëni shok të krishterin ngase ai ty mund të tradhëtojë, mund të presi në besë nëse ti ke besim tek ai. Andaj nuk lejohet t'i zësh shokë. Lejohet ti me bisedu me dikë pa kurrfarë të keqe, lejohet ti me bë shitblerje me të, lejohet me e ftu ne fe, me i kallzu rrugën e drejtë mirëpo nuk lejohet ta zësh shok, ta bësh mik atë.." Epo.. (A.N.)

Video: http://www.youtube.com/watch?v=LljFnjO0g_8
Artikulli i Koha Ditore: http://www.mapo.al/2012/08/21/vehabizmi-kercenues-i-kosoves/