Një shembull i pabarazisë gjinore edhe brenda “New York Times”?

“Zëri i Amerikës” shkruan se në SHBA është ngritur sërish çështja e barazisë gjinore, që ka marrë shkas nga pushimi nga puna, para një jave,  i Jill Abramson, gruaja e parë që u bë kryeredaktore e “New York Times”. Abramson ka folur në universitetin Wake Forest në Karolinën e Veriut duke iu përgjigjur me pasiguri pyetjeve të bëra nga studentët: “Cila është e ardhmja për mua? Nuk e di. Pra unë jam në të njëjtën pozitë si shumë prej jush”, ka thënë ajo. Nuk jepet arsyeja e pushimit, por “ZA” citon psikologun John Ryder sipas të cilit “Ajo nuk donte të nxirrte të gjitha kartat dhe kjo krijonte tensione mes saj dhe drejtuesve, tensione që ajo nuk ishte në gjendje t’i zgjidhte”.

http://www.zeriamerikes.com/content/shkarkimi-i-kryeredaktores-s%C3%AB-n...

s.z