Një letër (e censuruar) Ina Ramës dhe gazetave: Ndalni telenovelën e përçudnuar "Nazime"

Komiteti i Helsinkit dhe Rrjeti Kundër Dhunës Gjinore e Trafikimit i ka dërguar një letër të hapur kryeprokurores Ina Rama dhe drejtuesve të gazetave të vendit për rastin e Nazime Vishës. Organizatat në fjalë, i kërkojnë Ina Ramës të ndalë rrjedhjen einformacionit për raste të tilla ndërsa gazetave u kërkohet të ndalojnë editimin e kësaj hitorie dhe të merren me probleme të tjera më të rëndësishme për vendin. Letra vjen një ditë pasi shtypi iu rikthye historisë së Nazimes 18-vjeçares e cila më 13 gusht ekzekutoi me armë zjarri 45-vjeçarin Fiqiri Muça. Disa nga gazetat e djeshme jepnin me detaje një vizitë në qeli të babait të vajzës dhe deklarime të ndryshme të tij, mbi disa SMS apo fotografi celulari të botuara më parë. Në letrën e organizatave të shoqërisë civile (gazetat që trajtojnë rregullisht Nazimen nuk e kanë botuar – në shtypin e sotëm letra gjendet vetëm në dy-tri gazeta) lexohet:

"…Përmes kësaj letre shprehim shqetësim lidhur me mënyrën joprofesionale dhe diskriminuese, me të cilën po trajtohet nga mediat shqiptare rasti i adoleshentes, Nazime Visha. Ne jemi po aq të shqetësuara me informacionin që rrjedh nga Institucioni i Prokurorisë dhe me pafuqinë e Prokurores Znj. Ina Rama, për të ndaluar rrjedhjen e informacionit. Faqet e para të gazetave shqiptare në vend që të trajtojnë çështje të tjera shumë të rëndësishme për vendin dhe opinionin shoqëror, trajtojnë me detaje historinë e dhimbshme të një shtetase viktimë e shumë lloj dhunimesh. •I kërkojmë Prokurores së Përgjithshme të ndalojë shpërndarjen e informacionit nga institucioni që drejton për të pandehurit si në rastin e Nazimes. •I kërkojmë mediave shqiptare të ndalojnë së trajtuari çështjen e Nazimes si një telenovelë të përçudnuar vetëm e vetëm se i konsideron histori të tilla si burim të ardhurash…"

Letra e plotë:

http://gazeta-shqip.com/lajme/2012/09/06/shoqeria-civile-sto...