Një grup gazetarësh ndeshin në një pub të Tiranës 'njeriun - 1 miliard $' të Albpetrol… Dhe flasin për "ndjesi frike"

"Padami ishte mbushur plot. Muzika deri në qiell për habinë e të gjithëve meqënëse aty në zonë jeton kryeministri Sali Berisha. … Nën shoqërinë e një djali tjetër ai po kërkonte të gjente një vend për t'u ulur. Dhe si për çudi ulet afër meje. Duke bërë gjoja sikur nuk e shoh kthej një qoshe syri për të parë se ai porositi dhe i erdhi menjëherë një gotë mohito në tavolinë… Kishte veshur një këmishë të bardhë ndërsa njeriu me të cilin po shoqërohej ishte tërësisht me kostum. Biseda mes tyre zhvillohej anglisht dhe mes zhurmës së gjithë atyre njerëzve në pub por edhe muzikës së lartë nuk merrej vesh për çfarë po fliste…

E meqënëse lokali gjendet në qendër e shumë pranë disa selive mediatike në barin e natës nuk kishte vetëm rini por edhe shumë gazetarë. Po mendoja se në ndonjë vend të botës paparacët dhe gazetarët do t'i ishin vërsulur me mikrofona në dorë njeriut misterioz të shitjes së Albpetrolit. Por jo… Ishim kaq shumë gazetarë në një vend dhe kishim frikë të bënim një foto. Në Shqipëri nuk di pse ka nisur të instalohet kjo ndjenjë frike. Në fund të fundit Esad do të duhet të flasë një ditë se kë përfaqëson dhe paratë e kujt po xhiron për tenderin e madh... "

Pjesa e mësipërme është shkëputur nga një artikull i së përditshmes "Shqiptarja.Com" ku gazetarja Anila Basha raporton një ngjarje që e ka përjetuar vetë një apo dy mbrëmje më parë në një nga lokalet e natës në Tiranë. Personazhi në qendër të rrëfimit është Esad Puskar, përfaqësuesi në tenderin e Albpetrolit i konsorciumit që ofroi 850 milionë euro, rreth 1.1 miliard dollarë.

Është një raport i thjeshtë mbi një copëz jete të personit në fjalë, e megjithatë të tërheq vëmendjen vetëdenoncimi i gazetares mes rreshtave: " Ishim kaq shumë gazetarë në një vend dhe kishim frikë të bënim një foto…"

Më shumë:

http://www.shqiptarja.com/home/1/pushkar-mes-850-mln-eurove-...