Një alternativë e re për Rusinë. Nënshkruhet marrëveshja 30-vjeçare për furnizimin me gaz të Kinës. Vlera përllogaritet në 400 miliardë dollarë

Rusia ia ka dalë që të thyejë varësinë e saj nga tregu europian i konsumit të gazit. Kështu, sot bëhet e ditur se Gazprom ka nënshkruar një kontratë 30-vjeçare me kompaninë shtetërore kineze National Petroleum Corp, e cila i krijon Rusië një treg alternativ për shitjen e gazit kundrejt atij europian. BBC-ja jep një shifër jozyrtare për kontratën; 400 miliardë dollarë. Efekti nuk vonoi; aksionet e Gazpromit u rritën me 2% pas lajmit. Me këtë marrëveshje Rusia angazhohet të furnziojë Kinën me një vëllim prej 38 milion m3 gaz për çdo vit, duke nisur që nga viti 2018. Mediat po japin e po marrin me zbulimin e “termave tregtarë” që “mbahen sekret”, por fakt është se me këtë lëvizje Moska ka zhbërë efektin e sanksioneve të Perëndimit. Për më tepër që Kina duket se do të investojë shumë për infrastrukturën e Rusisë. E thënë ndryshe, kriza ukrainase po prodhon kosto tej çdo parashikimi për Perëndimin.

http://www.bbc.com/news/business-27503017

s.z