Nishani, ankesë në Kushtetuese për ligjin e ri të KLD-së. “Zv.kryetari nuk ka pse zgjidhet vetëm nga Kuvendi”

Festimet e Papës mbaruan, betejat politike e institucionale rikthehen. Me ligjin e ri për funksionimin e KLD-së, zv.kryetari i këtij këshilli duhet zgjedhur nga rradhët e anëtarëve të KLD-së që vijnë nga votimi i kandidaturave në Kuvend. Presidenti i Republikës Bujar Nishani i është drejtuar sot Gjykatës Kushtetuese me një kërkesë për shfuqizimin si të papajtueshëm me Kushtetutën, të nenit 7 të ligjit nr. 101/2014 “Për organizimin dhe funksionimin e Këshillit të Lartë të Drejtësisë”, i ndryshuar. Është pikërisht që ligji që kufizon zgjedhjen e zv.kreut të KLD-së brenda anëtarëve të caktuar nga parlamenti. Gjithashtu, Presidenti Nishani i kërkon Kushtetueses pezullimin e dispozitave të këtij ligji deri në marrjen e një vendimi përfundimtar nga Gjykata Kushtetuese si dhe i kërkon kësaj trupe që t’i drejtohet Komisionit të Venecias në mënyrë që të japë një opinion të specializuar në lidhje me ligjin në fjalë, referuar objektit të ankimit.

a.k