Nis sezoni i “korrje-shirjeve” në Lazarat. News 24 filmon punëtorët me mëditje

Një pagesë e lakmueshme prej 2500-3000 lekësh të reja në ditë, është joshja e çdo vere për punëtorët me mëditje që pajtohen në bastionin e drogës, Lazarat, për të punuar në pikun e mbledhjes së hashashit. Disa pamje të siguruara nga “News 24”, tregojnë punonjësit që dalin që në orët e para të mëngjesit dhe i drejtohen Lazaratit. Furgona nga Tepelena, Përmeti e fshatrat e zonës zbarkojnë në vendin e quajtur “Ura e lumit” në hyrje të Gjirokastrës duke sjellë dhjetëra banorë që më pas transportohen drejt fshatit të famshëm. Mësohet se përveç aksionit inekzistent të policisë, kultivuesit e lëndës narkotike, për të mbrojtur sa më mirë drogën kanë vënë mjete logjistike për të monitoruar personat që hyjnë në fshat. Shtypi shkruante javën e kaluar se në fshat aplikohet edhe metoda e mbjelljes me kubikë dhe e rritjes së përshpejtuar me dritë artificiale.      

a.k