Nik Xhelilaj, një shqiptar i famshëm në telenovelat turke

Nik Xhelilaj dalëngadalë po bëhet një nga emrat më të lakuar në tregun filmik të Turqisë. Ka vetëm disa javë qëkur ka filluar të transmetohet seriali ‘’Qyteti i humbur’’ ku Niku aktron rolin e Kadirit, dhe menjëherë pas kësaj Xhelilaj ka dhënë edhe intervistën e tij të parë për gazetën më të madhe turke “Hurriyet” (përcjellë shqip nga Koha Ditore).

Për projekt-serialin ‘’Qyteti i humbur’’, Xhelilaj ka marrë ftesë nga producenti Uygur Faysal Soyal, për rolin e Kadirit, një rol që sipas Xhelilajt “Për shkak të vështirësisë së gjuhës është një rol i rëndë dhe i komplikuar... Përveç kësaj, Kadiri gjithmonë kërkon të ruajë nderin e familjes së tij. Një familje e ardhur nga Deti i Zi dhe e vendosur në Stamboll. Ky qytet i madh dhe me shumë mënyra për t’u argëtuar, Kadirit nuk i bën shumë përshtypje për faktin se qëndron gjithmonë pranë nënës së tij dhe te biznesi dhe fëmija i tij. Për mua është një karakter shumë i bukur, sepse këta dy të rinj janë shumë të pjekur.”.
Të punuarit në Stamboll është shumë e vështirë thotë Xhelilaj, “do një përpjekje të madhe, edhe pse partnerët e artit janë miq të mi”
Sa i përket Turqisë, Nik Xhelilaj thotë për Hurriyet se e do shumë dhe se “është njësoj si Shqipëria. Hera e parë që vizitova vendin Bostançi, unë u dashurova me atë vend, nëse një ditë do të kisha vendosur të jetoj në Turqi, sigurisht që do kisha zgjedhur Bostançin.”

ne.su.