Ngjela: Shqiptarët po tregohen të mefshët për ta flakur [Berishën] si një bastard.

Në një intervistë për Renato Kalemin në Revistën ‘Klan’, Spartak Ngjela shpjegon arsyet se pse vendosi të botojë një vëllim të dytë të librit të tij “Përkulja dhe Rënia e Tiranisë Shqiptare”, një libër që vjen dhe si një çlirim për atë periudhë të vështirë të jetës së tij, si dhe flet për aktualitetin shqiptar.

Muajt e fundit Ngjela është shfaqur disi më pak aktiv në politikë, por thotë se nuk është tërhequr. “Opozita është futur në një filozofi, e cila mua më duket joproduktive. Nëse nuk del në fushatë që tani, gjithçka ka marrë fund”, shton Ngjela. Sipas tij, është lidershipi socialist ai që po gabon, ndonëse aleanca me PS-në do të vazhdojë sipas të njëjtave kushte si më parë. Nga ana tjetër, kriton fort ashpër kryeministrin Berisha, të cilin e quan si njeriun që nuk e dëshiron me pasion futjen e Shqipërisë në Bashkimin Europian. “Berisha nuk mund të heqë dorë nga skema e tij sunduese dhe shpërbërëse për Shqipërinë; por, shqiptarët po tregohen të mefshët për ta flakur si një bastard”. Sipas Ngjelës, e njëjta gjë ka ndodhur edhe në rastin e grevës së urisë së ish të përndjekurve politikë. “Berisha kurrë nuk ka për ta dashur të mirën e këtij vendi, prandaj dhe gjendemi në këtë situatë të mbushur me urrejtje dhe konflikte të brendshme”. 

“Por, unë mendoj se Saliut i ka ardhur fundi”, e mbyll intervistën për Revistën ‘Klan’, Ngjela.

Intervista e plotë:

http://revistaklan.com/material.php?id=2973