Nesër protestohet në Maqedoni për çështjen “Zeqiri”. Ndërkohë qeveria e re ende në negociata. Në lojë hyn edhe PDSH-ja, kërkon shtatmadhorinë

Nesër paradite është paralajmëruar një protestë në Shkup si reagim për sulmet ndaj familjes shqiptare Zeqiri në Radishan, e cila u shpërngul. Protestën e organizon Forumi Ndërkombëtar për të Drejtat e Njeriut dhe ajo mbështetet nga disa subjekteve. Apeli është për pjesëmarrje sa më të madhe, në funksion të arritjes së objektivit dhe të imponimit të zgjidhjes së çështjes. Familja Zeqiri, u shpërngul e gjitha pas disa sulmeve të njëpasnjëshme ndaj shtëpisë së  tyre. E megjithatë nga institucionet shtetërore, ku kanë pjesën e tyre edhe shqiptarët është mbajtur heshtje. Ndërkohë protesta zhvillohet kur negociatat për krijimin e qeverisë ende nuk janë përmbyullur. BDI-ja e Ali Ahmetit ende nuk ka përmbyllur marrëveshjen me Gruevskin, kurse siç bën me dije “Almakos” PDSH-ja e Menduh Thaçit synon marrjen e drejtimit të Shtatmadhorisë së ushtrisë maqedonase. Me këto manovra lidhet me sa duket edhe mosnjohja e legjitimitetit të Presidentit Ivanov nga ana e partisë së Ali Ahmetit.

http://almakos.com/lajme/maqedoni/50971-neser-shkupi-proteston.html

http://almakos.com/lajme/maqedoni/50931-ekskluzive-pdsh-do-udheheq-edhe-...

s.z