Ndrea Prendi ka vrarë Faik Myrtajn – thotë Prokuroria. Ndrea ankohet se Prokuroria i “ka bërë presion”

Në seancën e 39-të të procesit që zgjati tetë muaj, Prokuroria e Tiranës shpalli konkluzionet të pandehurit e ngjarjes së 21 janarit, ish-shefin e Gardës së Republikes Ndrea Prendin, ish-oficerin Agim Llupo dhe ish-shoferin Margarit Kume – njofton televizioni TCH.  

Prokuroria kërkoi që gjenerali Prendi të shpallet fajtor dhe të dënohet me 23 vjet burg për vrasjen e demonstruesit Faik Myrtaj.  Për Agim Llupon, i vetmi që është ne gjendje arresti, prokurorët kërkuan dënimin me 25 vjet burg për vrasjen e Ziver Veizit dhe Hekuran Dedës. Viktimat- tha prokurori- jane qelluar nga Llupo me shenjester te drejtperdrejtë.

Nderkohe qe per te tretin, Margarit Kumen, nen akuze për veprime qe pengojne zbulimin e te vertetes, Prokuroria terhoqi qendrimin e saj.

Konkluzionet e prokuroreve Blerim Tominaj dhe Adriatik Cami u ndoqen edhe nga perfaqesues te Ambasades Amerikane dhe te Avokatit te Popullit. Prokuroret pergjate nje ore e gjysmë pershkruan se si u moren masat per demonstraten, se gjate asaj dite gardistet kane kryer 500 qitje, nga te cilat rezulton se eshte qelluar jo vetem me plumba manover, por edhe fisheke te vertete. Sipas Prokurorise ne vendimin e saj Gjykata duhet te shtoje si rrethane renduese edhe faktin që Garda eshte e pajustifikuar qe ka qelluar me municione luftarake, ne nje kohe qe situata nuk ishte e rende, aq me shume qe tha Prokuroria qe te akuzuarit kishin uniformen e detyres. Nderkohe Ndrea Prendi deklaroi ne te njejten seance se ka zbatuar ligjin dhe se mbi Garden eshte ushtruar presion nga Prokuroria. Re.Pu.

Foto: Kryeministri, Ministri i Brendshëm dhe kreu i Gardës së Republikës, zinxhiri komandues në ngjarjet e 21 janarit