Ndihmësi i Colin Powell-it: Partia Republikane është e mbushur me racistë

John Sununu, një nga eksponentët e Partisë Republikane amerikane, e interpretoi qëndrimin që Colin Powell, republikan gjithashtu, ka mbajtur publikisht në favor të rizgjedhjes së Barack Obama-s, si një qëndrim të motivuar me logjikë raciale. Po i ka ardhur menjëherë përgjigja nga ushtaraku në pension, Lawrence Wilkerson, i cili, përveç të tjerash, ka punuar me ish-sekretarin e shtetit Powell. I ftuar në programin e Ed Schultz-it, në televizionin MSNBC, ai tha se pozicioni i Sununu-së nuk është një rast i izoluar. E teksa donte ta shpjegonte këtë fakt, artikuloi një denoncim të fortë:

“Partia ime është e mbushur me njerëz të tillë, që akoma i ngrejnë qëndrimet e tyre mbi racën. Arsyeja numër një pse anëtarët e partisë sime, shumica e tyre, duan ta nxjerrin Obama-n nga Shtëpia e Bardhë nuk ka të bëjë me çfarë Obama përfaqëson në thelb, me karakterin e tij, me kompetencën si Komandant i Përgjithshëm i Forcave të Armatosura, por ka të bëjë me ngjyrën e lëkurës, dhe kjo gjë është e përbuzshme”.

Më poshtë, për ta bërë të duket absurd sulmi ndaj Powell-it, ai bëri një paralele interesante: Të thuash se Colin Powell ngre qëndrime bazuar tek ngjyra e lëkurës është si të thuash se Nënë Tereza e kish mendjen tek interesi personal e tek përfitimet.

E.G.