Nëse nuk vihet drejtësia në vend, fatura e 21 Janarit për mazhorancën e majtë ka për të qenë shumë e rëndë…

Artan Hoxha, gazetari që më 21 janar transmetoi në darkë pamjet filmike të vrasjes së Ziver Veizit, disa orë pasi Sali Berisha dhe të tjerë në PD, deklaruan se vrasjet janë kryer nga vetë opozita në turmë, sot, pas dy vjet e ca nga ajo kohë, pasi ka marrë vesh edhe vendimin absurd të Gjykatës së Apelit, i prekur dhe i fyer për gjithçka ka ndodhur, ka dashur ta mbyllë vetëm me një frazë këtë histori, se kjo është prova e radhës jo thjeshtë e dështimit, por e kapitullimit pa kushte të sistemit të drejtësisë në Shqipëri. Por pas insistimit të gazetarit ai ka dhënë një intervistë të plotë që është botuar në DITA

Unë, këto fjalë nuk i them nga dëshpërimi për mungesën totale të drejtësisë në vendin tonë, por i trishtuar se do më duhet sërish të përballem me fëmijët jetimë të Ziverit, Faikut, Aleksit e Hekuranit, dhe nuk do di çfarë t’u them. Do skuqem prej turpit dhe pafuqisë për t’i ngushëlluar, prej pamundësisë për t’u dhënë sërish shpresë se një ditë drejtësia do të vihet në vend. Nuk jam fare i zhgënjyer nga ky vendim i shkruar diku tjetër, madje nga e njëjta dorë që dha urdhrin për t’u kryer vrasjet nga pakujdesia.

Pasi flet për treshen e gjyqtarëve, që siç thotë ai, për shkak të profesionit si gazetar inestigativ për disa vite, i njeh mirë, Artan Hoxha shton jo pa ironi:  I përgëzoj për kurajon, për devocionin ndaj atij që i ka sjellë aty, dhe i simpatizoj pamasë për faktin që nuk i janë treguar bukëshkalë për nderin që u ka bërë.

Viktimat e 21 janarit dhe sfida për të vendosur drejtësi për jetimet e tyre, janë shkaku i vërtetë që ndëshkuan me një milion vota Sali Berishën dhe i dhanë një mandat të pakufizuar Edi Ramës. Nëse nuk do të ketë drejtësi për ata katër shqiptarë, të vetmit të rënë dëshmorë në bulevardin Dëshmoret e Kombit, fatura e dështimit për mazhorancën e majtë ka për të qenë shumë e rëndë, e mbyll intervistën Hoxha.

E plotë intervista: http://gazetadita.al/nuk-jeni-gjykates-jeni-legena-konsiderojeni-nje-fye...

Zh.