Në zyrën e shtëpinë e Sarkozy-së ka trokitur një togë policësh; dhe një prokuror

Nicolas Sarkozy është nisur dje me familjen e tij për në Kanada, por sot, një prokuror, Jean-Michel Gentil, i shoqëruar nga një duzinë policësh, e ka mbajtur frymën në zyrën e re të ish-presidentit, dhe në shtëpins e gruas së tij, Carla Bruni-t. Çfarë ka ndodhur? Është një muhabet që tirret qysh prej muajit maj, kur e përditshmja Le Monde raportonte mbi një hetim të nisur në adresë të Sarkozy-së për fonde ilegale të marra në emër të partisë gjatë fushatës së vitit 2007 nga familja e pasur franceze Bettencourt. Prova? Po, ka prova e dëshmira. Gjatë asaj fushate, Sarkozy është parë më shumë se njëherë të bujtë në shtëpinë e Liliane e Andrè Bettencourt-it. Në agjendën e Lilianës, më datë 24 shkurt 2007, është shkruar: ‘Sot do vijë për vizitë Monsieur Nicolas S’. Janë shoferi e maxhordomi i shtëpisë që thonë se e kanë parë Sarkozy-në të hyjë e të dalë nga ajo shtëpi, ku njihej dhe me emrin Monsieur X. Përveç kësaj, në ditarin e fotografit e mikut të Bettencourt-ëve, Francois-Marie Banier, gjendet një shënim i prillit të atij viti elektoral, ku thuhet se “mikesha e tij super e pasur ankohet shpesh për kërkesat e panumërta për pará të bëra nga Sarkozy”.

Ky i fundit, pas përfundimit të mandatit presidencial nuk ka më imunitet, rrjedhimisht mund të ndiqet e hetohet në çdo moment.

E.G.