Në Vlorë do të nisin rruspat... edhe kundër ndërtimeve me leje?

Kryebashkiaku i Vlorës, Gjika ka dalë përsëri me flamurin e shembjes së ndërtimeve pa leje në bregdet.
“Ne kemi projekt që të ndërtojmë shëtitoren buzë detit (Lungomare e Vlorës), e cila do të jetë perla e qytetit”, – tha ai duke lënë të kuptohet se ndërtimet me apo pa leje që janë në vijën e projektit të pedonales përgjatë detit do të shemben. Gjika foli edhe për aksion kundër atyre ndërtimeve me leje provizore, apo që kanë hyrë në proces legalizimi, sipas MAPO-s. Por si do të bëhet kjo shembje për sa kohë edhe ato dy ose tri objekte (pallate) për të cilat foli Gjika, kanë një leje të rregullta të marra nga Bashkia. Për këtë kreu i Bashkisë tha se ‘kryeministri i ri, mazhoranca e re do të gjejë dhe format ligjore me kompensime të ndërtimit”.
k.c.