Në Shqipëri për të studiuar turizmin. Vërejtja e parë: Betonizimi

180 studentë holandezë kanë mbërritur në Shqipëri për një arsye jo të zakonshme. Siç njofton “VizionPlus” ata do të qëndrojnë këtu për disa kohë që të studiojnë turizmin shqiptar, si pjesë e punimeve që mbrojnë në Holandë. Shkëmbi i Kavajës, kanionet e Osumit, Llogara dhe Kepi i Rodonit do të jenë destinacionet e studentëve që më pas do t’i përcjellin në temat e veta në univeristet. Dhe nuk ka munguar një vërejtje, e cila në të vërtetë është edhe kapitali i shëmtimit të këtyre 23 viteve. “ Laura Payne, përfaqësuese e “Outdoor Albania”, që ka organizuar ardhjen e studentëve holandezë në Shqipëri shpreh keqardhjen për betonimin e bregdetit shqiptar, sidomos në Durrës”, njofton “VP”, duke rikonfirmuar kështu elementin eparë që bie në sy krahas higjenës së munguar.

http://vizionplus.al/studentet-holandeze-promovojne-turizmin-shqiptar/

s.z