Mustafaj: PD, me kokë, por pa trup; një pjesë e madhe e demokratëve janë të trembur e të çoroditur; një pjesë tjetër, të mërzitur me udhëheqjen e saj

Ish-drejtuesi i lartë në PD, Besnik Mustafaj në një intervistë për TCH, apelon për një opozitë konstruktive. Ai këshillon partinë e tij që të shmangë bojkotin dhe t’i kthehet rrugës institucionale.  “Shohim një opozitë pa strategji, një opozitë reaktive që nuk përkon me faktin që PD është e vjetër në skenën politike shqiptare, e sprovuar në opozitë dhe qeverisje dhe është e pafalshme që nuk ka një strategji në opozitën e saj, që nuk i shkon profilit dhe potencialit të saj. Sot PD është me kokë, por pa trup. Një pjesë e madhe e demokratëve janë të mërzitur me udhëheqjen e PD, një pjesë janë në punë dhe janë të trembur, thotë Mustafaj.

Ndërsa lidhur me dualitetin në drejtimin e Partisë Demokratike midis Berishës dhe Bashës, Mustafaj shprehet:  “Mendoj që ka diçka më shumë se dualitet. Ka një lënie në hije të Bashës nga ana e Berishës, që është në dëm të Bashës. Kjo bëhet për arsye pragmatiste nga ana e Berishës, që mendoj unë bëhet sepse lënia dorë të lirë ndaj kreut të ri të PD do të thotë një analizë për humbjen. Berisha po pengon rivitalizimin e PD dhe ringjalljen e saj”.

Zh.