Mustafa Nano kalon nga Shqip te Dita (dhe e nis me një kritikë ndaj Ramës)

Mustafa Nano është shfaqur sot në faqet e së përditshmes Dita pas disa vitesh bashkëpunimi me të përditshmen tjetër Shqip. Dy ditë më parë në faqet e Ditës u botua një shënim i kryeredaktorit Thano që njoftonte lexuesit për fillimin e një bashkëpunimi mes Ditës dhe Nanos me një rubrikë të quajtur Zululand, plus analiza të përjavshme.

Sot Nano ka startuar në Dita Zululandin e tij me një kritikë ndaj Ramës:

“E mora fjalën e Ramës nga një prej siteve online, me një copy/paste, për ta hedhur në Microsoftword dhe më dolën dhjetë faqe me shkrim dhjetësh. E lexova të tërën. Nuk para gjeta gjëra, me të cilat nuk jam në një mendje, e ndoshta këtë gjë mund ta thonë shumë vetë, por ky fakt nuk ka shumë rëndësi. E bëri Rama të parëndësishëm, duke i përcjellë mesazhet e veta nëpërmjet një litanie të stërzgjatur e të mërzitshme. Rrallë më kish rënë rasti të lexoja fjalime me kaq shumë ujë…” – shkruan ai ndër të tjera.

Dita dhe Panorama janë dy të përditshmet që aktualisht pretendojnë të dyja që kanë vendin e parë për shitje në tregun e shtypit. Ndoshta do ishte mirë që jo vetëm këto të dyja, por të gjitha të përditshmet të bënin transparencë mbi tirazhet, ose më saktë, shitjet reale. Sipas nje studimi, pjese nga i cili jane botuar disa jave me pare ne media, me autorë një grup të drejtuar nga sociologia Migena Aleksi, Panorama e Dita shesin secila nga 9 ne 15 mije kopje ne dite, gjithë të përditshmet e tjera, janë nën 3 mije kopje, madje shumica e tyre nuk i kap as 1 mijë kopje në ditë. Online kryeson Tema, sipas të njëjtit studim, ndërsa te perditshmet e tjera pretendojnë thuajse të gjitha vendin e dytë. a.n.

Nano në Dita:

http://gazetadita.al/mustafa-nano-nga-neser-ne-dita/

Foto:

Logoja e rubrikës së Nanos në Dita