'Mundohet me e shti minaren në thes' - thotë Ndreca për Berishën dhe ka një parashikim për 'ata që do ta shkruejnë nesër historinë'

E përditshmja MAPO ka botuar një opinion të Ardian Ndrecës me titull "Dilema e historisë" ku ai flet mbi debatet e kohëve të fundit dhe merr në shënjestër sjelljen e Berishës "në këtë lamije".
Shkruan Ndreca: Berisha vijon me i mësue shqiptarët se si duhet ta konceptojnë dhe ta shkruejnë historinë, se cilat figura duhet të vlerësojnë, cilat t’i relativizojnë dhe cilat t’i harrojnë. Asht krejt e kotë me shtue se Berisha në këtë lamije ka po aq kompetenca sa ka nji historian në fushën e kardiokirurgjisë, por prap se prap atij s’i mbushet mendja... Jam i bindun se kryeministri ynë me aradhën e sejmenëve të tij që me keqeshkrojat e tyne mundohen me e shti minaren në thes apo me e banalizue/relativizue të kaluemen për me ba që të ndihemi ma pak të neveritun prej së tashmes, nuk i bajnë nji shërbim të mirë historiografisë sonë... Nji sistem i korruptuem deri në palc nuk ka forcë morale me nderue askënd dhe nuk ka tagër me e rishkrue historinë..."
Dhe në fund e mbyll me gegërishten e tij të njohur: "...Ata që do ta shkruejnë nesër historinë nuk do ta kenë të vështirë dhe nuk do të kenë mëdyshje përpara figurave mediokre e meskine që tashma i kanë shkatrrue shqiptarëve nji andërr të madhe e edhe nji të ardhme shpreset. Madje nuk do të kursejnë edhe nji aradhë intelektualësh që si me heshtjen si me fjalën e tyne janë vu në shërbim të së keqes absolute që e kapërthye Shqipninë..."

E plotë në:
http://www.mapo.al/2012/08/19/dilema-e-historise/