Mosdeklarimi i pasurisë, ILDKP gjobë zv.ministrit Hila dhe deputetit socialist Suli

ILDKP ka qenë institucioni më i përmendur në zhvillimet politike të ditës së sotme. Një tjetër lajm mbi inspektoriatin, është njoftimi se Inspektori i Përgjithshëm i Inspektoratit të Lartë të Deklarimit dhe Kontrollit të Pasurive, ka gjobitur me pesëdhjetë mijë lekë zëvendësministrin e Mbrojtjes Dritan Hila dhe deputetin e Kuvendit Rakip Suli. Pas shqyrtimit të akteve të deklarimit të interesave private, Inspektorati i Lartë konstatoi se subjekti deklarues Dritan Hila duhet ta kishte paraqitur deklaratën e interesave private “Para Fillimit në Detyrë”, brenda 30 ditëve që nga dita e tij emërimit, 4 tetor 2013. Ndërsa deputeti i PS Rakip Suli duhet t’i kishte bërë deklarimet e interesave private brenda datës 31 Mars 2014. Inspektorati sqaron se këto veprime parashikohen si kundravajtje administrative dhe personi kundravajtës dënohet me gjobë nga 50-100 mijë lekë. 

a.k