Mitt Romney bën një gafë që mund t’i kushtojë: Të varfërit? Nuk është puna ime të merrem me ta

Kandidati republikan Mitt Romney ka qenë në një veprimtari për mbledhje fondesh, dhe duke menduar se ka qenë me të vetët, është zbrazur në mënyrë shumë konfidenciale, dhe përbuzëse, kundër “atyre që votojnë për qeverinë”. E kush janë këta? “Është ai 47%-ësh i amerikanëve, që u është mbushur mendja se paskan të drejtën e kujdesit shëndetësor, të ushqimit e të një strehe”. “Nuk më interesojnë këta amerikanë, mbijetesa e të cilëve varet nga qeveria”, është shprehur Romney. Dhe vijoi: “Nuk është puna ime ta vë ujin në zjarr për këta amerikanë; premtimi im për ulje taksash atyre u hyn nga një vesh e u del nga tjetri, pasi ata nuk kanë praktikisht të ardhura. As që mund t’ia dal t’i bind se janë ata që duhet t’ia dalin pa ndihmën e askujt”.
Siç shihet, është një qëndrim që nuk mund të mbahet në publik, e prandaj Romney e ka thënë mes miqsh e mbështetësish. Mirëpo, “aty ka qëlluar” dhe një gazetar i revistës Mother Jones (është një revistë e majtë, madje shumë më e majtë edhe se Obama), që ka regjistruar gjithçka. Pas kësaj, një analist i Bloomberg-ut, mes shumë të tjerëve, është dëgjuar të thotë, se “me këto deklarata ai ka nënshkruar fundin e vet; t’i qajë zgjedhjet, tani”.
Jim Messina, koordinatori i fushatë së Obama-s tha me këtë rast se “bëhet fjalë për deklarata tronditëse”. Ndërsa reporteri i revistës, në përgjgije të kërkesës së Romney-t që të transmetohet e gjithë videoja, thotë: “Ou? E dashka të gjtihë videon? Epo mirë, le ta marrë vesh se nuk është në interes të tij të jepet e gjithë videoja. Del zbuluar fare”.
Re.Pu.