Ministrja e Mbrojtjes: “Në kohën e qeverisë së PD-së, Shqipëria u mbajt jashtë vëzhgimit ajror të NATO-s”

Seanca plenare ka vijuar sot për një kohë të gjatë dhe është dominuar nga akuzat e të dyja palëve për trafikun e drogës. Opozita këmbëngul në tezën se trafiku i drogës është emergjencë kombëtare, ardhur në rritje nën patronazhin e qeverisë aktuale. Lidhur me këto akuza ministrja e Mbrojtjes, Mimi Kodheli ka zbardhur një fakt që hedh dritë mbi ecurinë e këtij trafiku, sidomos nëse merret në konsideratë rasti i Divajkës dhe i mbulimit ajror të Shqipërisë. “Që nga shtatori i vitit 2011, ka një korrespondencë shqetësuese mes Përfaqësisë sonë në Bruksel dhe Ministrisë së zotit Imami. Ose më saktë, ka një monolog shkresash nga Brukseli, ndërkohë që qeveria juaj zotërinj, nuk e shihte fare të arsyeshme as të kthente përgjigje. Çështje prioritetesh besoj e keni pasur. Por shqiptarëve bëni mirë t’u tregoni përsetë e heshtjes së asaj kohe. Përsetë e mosdëshirës për të vënë Shqipërinë nën këtë sistem vëzhgimi ajror të NATO-”, deklaroi Kodheli, sipas së cilës qeveria e PD-së e ka mbajtur Shqipërinë jashtë kontrollit ajror të Aleancës.

s.z