Ministri i ri i Brendshëm ka 17 gjoba rrugore të papaguara

Ministri i ri i Brendshëm ka plot 17 gjoba rrugore të papaguara. Kështu raporton Gazeta Shqiptare, që ka përgatitur në numrin e sotëm një speciale me politikanët që kanë gjoba të pashlyera tek Policia Rrugore. Në krye të listës qëndron ministri i sapoemëruar Flamur Noka, që me makinën e tij tip Mitsubishi ka 17 gjoba të papaguara, që kapin shifrën e 15.700 lekëve të reja. Në listë i dyti është Shpëtim Idrizi me 7 gjoba të papaguara me makinën e tij tip Benz. Më pas vjen Fatbardh Kadilli me makinën e tij tip Nissan. Ai ka 5 gjoba të papaguara. Gazmend Oketa, Ben Blushi kanë nga dy gjoba të papaguara. Madje, edhe vetë presidenti Bamir Topi ka një gjobë të papaguar, - sipas GSH-së. (A.N.)