Mesazh i Presidentit Topi para se Presidenca të kthehet në “tokë e xanun”

Postuar në 23 Korrik, 2012 05:48

Nesër Presidenti Bamir Topi dorëzon detyrën, në një ceremoni të çuditshme, ku siç raportojnë mediat, atij i është hequr e drejta e fjalës. Për këtë arsye, siç duket, ai ka zgjedhur televizionin dhe internetin për t’i transmetuar publikut mesazhin që do të donte ta jepte në fjalimin e dorëzimit të detyrës. Më poshtë po riprodhojmë të plotë mesazhin që Presidenti Topi ka publikuar në faqen e tij zyrtare në Internet.

Re.Pu.

“Të dashur bashkëqytetarë!

 Gjatë pesë viteve të fundit kam pasur nderin dhe privilegjin e veçantë të shërbej si President i Republikës. Në ushtrimin e kësaj detyre jam përpjekur me të gjitha forcat dhe energjitë për të mbajtur premtimin e dhënë në betimin tim, për të qenë Presidenti i të gjithë shqiptarëve, dhe për të vepruar me ndershmëri dhe mbi vlera qytetare.

Gjatë mandatit tim jam ndeshur me pritshmëri më të mëdha nga publiku, me kërkesa të shumëllojshme dhe shpesh kundërshtuese, me kritika të drejta e të padrejta, me fushata denigruese apo etiketime të njëanshme. Me ndërgjegje zgjodha të lë mënjanë modelet e konfliktit formal dhe të dëgjoj e trajtoj me të gjithë seriozitetin e duhur të gjitha mendimet, kërkesat dhe kritikat racionale, duke ofruar zgjidhje kushtetuese për gjithçka që përbën interes qytetar, publik e shtetëror.

Kam bindjen e thellë se shumë gjëra mund të ishin bërë më mirë nëse politika vendimmarrëse do ta përdorte pushtetin e saj të madh në mënyrë konstruktive dhe institucionale, nëse interesat e saj do të gjenin më shumë përputhje me interesat tuaja qytetare dhe nëse klasa jonë politike do të dëshmonte më shumë maturi, përgjegjësi dhe aftësi për të sjellë ndryshimet e premtuara.

Shqipëria e vitit 2012 meritonte shumë më tepër progres dhe vlera evropiane, dhe kam bindjen se me këtë përcaktim gjej mbështetjen e shumicës absolute të qytetarëve të këtij vendi. Në përfundim të mandatit kushtetues të Kryetarit të Shtetit më lejoni t’u them se ndihem krenar që pata fatin t’u përfaqësoj; që në emrin tuaj përfaqësova Shqipërinë në ngjarjen historike të anëtarësimit në NATO; që presidenca ime ishte dhe mbetet një presidencë me sjellje qytetare, tolerante dhe gjithëpërfshirëse; një Institucion, nga i cili nuk lindën konflikte por u zgjidhën konflikte, nga i cili nuk pati politikë partiake, por sjellje e vendime institucionale, nga i cili asnjë qytetar nuk u ndie i fyer, i përjashtuar apo i harruar, por gjithsecili gjeti një derë të hapur për shqetësimet, mendimet dhe nevojën e madhe të bashkëpunimit në të mirë të interesave publike e kombëtare; që me gjithë problemet e trashëguara të tranzicionit, pesë vitet e mia presidenciale u dhanë më shumë jetë, pavarësi e forcë veprimi institucioneve kushtetuese dhe grupeve të shoqërisë civile, medias së pavarur dhe logjikës institucionale të trajtimit të problemeve; që zyra e Kryetarit të Shtetit ishte dhe mbetet një partnere e fortë, aktive, e mbështetur, e referuar dhe e besuar e Shteteve të Bashkuara të Amerikës dhe vendeve të Bashkimit Evropian, shteteve mike dhe çdo institucioni ndërkombëtar të interesuar apo të investuar në përparimin e demokracisë shqiptare; që në këto vite isha aktor modest dhe dëshmitar aktiv në përgatitjen, jetësimin dhe lobimin e shtetit të lirë, të pavarur dhe evropian të Kosovës, si dhe të forcimit të pozitës kushtetuese dhe politike të shqiptarëve kudo ata ndodhen.

Gjej rastin të falënderoj në veçanti familjen time që më ka qëndruar pranë, si dhe publikisht të falenderoj për mbështetjen dhe bashkëpunimin shumëvjeçar stafin tim politik presidencial, politikanët e arsyeshëm, të gjithë trupat drejtuese e përbërëse të institucioneve kushtetuese, miqtë e shumtë në organizatat e shoqërisë civile, kolegët e botës akademike, gazetarët dhe median, intelektualët e shumtë, forcat e armatosura, partnerët tanë ndërkombëtarë, shtetarët dhe diplomatët miq të Shqipërisë!

Nderimi e mirënjohja e thellë u shkon të gjithë qytetarëve shqiptarë që pata fatin të takoj në çdo bashki e komunë të Shqipërisë, në Kosovë, Maqedoni, Mal të Zi dhe në grupet e shumta të diasporës në vende të ndryshme të botës. Ndjenja e përfaqësimit të tyre përbën krenarinë më të madhe jetësore dhe përgjegjësinë më të madhe të çdo politikani e zyrtari shtetëror.

Vëllezër e motra!

Shqipëria e ka zgjedhur tashmë Presidentin e ri. Unë e uroj publikisht Presidentin për sukses e mbarësi, dhe ftoj të gjithë qytetarët, aktorët politikë dhe institucionet të jenë në mbështetje të vullnetit për përmbushjen e detyrave të tij kushtetuese!

Shqipëria ka nevojë për stabilitet demokratik, për unitet dhe ikje nga ndasitë politike përjashtuese, për dialog e bashkëpunim, për reforma dhe forcim të institucioneve kushtetuese, për politika të urta, të mira dhe qytetare dhe, në këtë rrugë, ka nevojë për kontributin dhe fjalën e gjithsecilit, për më shumë mirëqenie dhe demokraci cilësore e funksionale.

I ndërgjegjshëm për këto nevoja dhe vlera demokratike mbetem, në mbështetje të plotë të rotacionit demokratik, energjive dhe prurjeve të reja në krye të shtetit, në institucione, në parti politike dhe në sistemin politik përfaqësues.

Shqipëria dhe qytetarët e saj meritojnë më shumë. Postet politike e shtetërore shkojnë e vijnë, por qytetarët dhe shteti, interesat e tyre publike e kombëtare, janë e mbeten aty si pasuria më e madhe, burimi më i madh frymëzues, arsyeja më e madhe për ta kuptuar shërbimin ndaj tyre si privilegj dhe fat.

Zoti e bekoftë Shqipërinë dhe shqiptarët!”

 

Comments

Submitted by katarakti (not verified) on

<p>Me qendrimin dhe sjelljen e tij Bamiri ka nderuar Tiranen dhe gjithe Shqiperine. Ai ka deshmuar se çdo te thote te vish nga nje familje me tradita tiranase dhe çfare do te thote te jesh qytetar ne gjak. Siç i thone nje fjale: Katunar o bre burre, me te rrjep shtate lekure, qytetar nuk behesh kurre&quot;.&nbsp; Deshmi e kesaj fjale te moçme eshte mujshari i zbritur nga shpellat e Viçidolit, i cile ende nuk ka mesuar te eci ne bulevardin e Tiranes.&nbsp; Nje pasqyre e qarte ndermjet qyteterimit dhe tribalizmit.</p>

Submitted by Petro (not verified) on

<p>Një burrë e shtetar i respektuar. me integritet vetjak, të cilin diti ta tregojë në ndarjen e tij prej vartësisë politike. Ishin ata (dmth Ai, Berisha) që e përzgjodhi në funksionin e Presidentit, me shpresën se Topi, ashtu si kryetar i grupit të PD-së, edhe si President, do mbetej ushtar i tj, gjë që nuk ndodhi. Për shkak të kësaj, mbi të ra urrejtja e primitivit, i cili ja përcolli atë gjithë langaraqve që i venë nga pas e prej të cilit kanë vënë e vazhdojnë të vënë pasuri. Kështu kish ngjarë edhe më parë me rastet e Kryeprokurorit Thodhori Sallaku e Ina Rama, të cilët ishin përpos se zgjedhje të tij. Sikur dhe Nishani të zgjedhë të respektojë kushtetutën, shpejt ai do përgojohet me epitetet &quot;invalid&quot;, &quot;i sëmuri i Presidencës&quot;, etj.</p><p>Gjithësesi, ndonëse Bamiri asnjëherë nuk pati guximin të përballej me primitivët, gjë që duhej ta kish bërë pa asnjë lëshim në momentin që mbrojtësi i vrasësve e cilësoi &quot;horri i bulevardit&quot;, unë e respektoj atë për sjelljet qytetare.</p><p>&nbsp;</p><p>&nbsp;</p>

Submitted by I-liri (not verified) on

<p>&nbsp;&nbsp;&nbsp;&nbsp;&nbsp; Z. Topi i uroj mbaresi ne veprimtarine e tij te metejeshme, por do ti keshilloja:</p><p>&nbsp;&nbsp;&nbsp;&nbsp;&nbsp; Mos shko ne ceremonine e marjes te detyres nga presidenti i ri. Ju si njeri me kulture e Tiranas i vertete, nuk duhet te perziheni me turmen e kafsheve te egra,te zbritur nga malet, qe mezi presin te hungerijne...Egersirat nuk marin vesh me fjale, prandaj nuk te lejojne te flasesh ne kete ceremoni.</p><p>&nbsp;&nbsp;&nbsp;&nbsp;&nbsp; Tregohu burre dhe mos e perfill ceremonine e SRB-it. Dhe do te kesh shume e shume mbeshtetesh&nbsp; per kete veprim.</p>

Submitted by Anonim (not verified) on

<p>Megjithese nuk kam qene pro zgjedhjes se Bamir Topit, e kam perkrahur ne veprimtarine e tij.</p><p>E dime qe kafshet do te sulen me 24 qershor me dy gishtat perpjete. Do te kerkojne edhe prona te tjera ne zemer te Tiranes, pasi lane pyjet me ariun lart ne bjeshke.</p><p>Eshe gjynah qe, per faj te tyre te shprehemi: &quot;Tirana e namun&quot; dhe jo &quot;Bjeshket e namuna&quot;. Sali Berisha po perpiqet te zbuse ariun, por nuk do ia arrije dhe kete ai e din. Vetem do te thote se eshte e mundur, pasi e din se ariun do te perdore per te mbajtur ende pushtetin, pasi eshte i te njejtit lloj; eshte i familjes.</p>

Submitted by f d (not verified) on

<p>&#39;Toke e xanum&#39; ka pas qene, por ju s&#39;keni qene te interesuar per &#39;prona&#39;...</p>

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.