Mbyllet pas 20 vitesh konkursi “Onufri”. Galeria e Arteve e zëvendëson me ekspozitën "100 vjet vizatim"

Konkursi “Onufri” i bërë traditë prej 20 vitesh nuk do të hapë dyert për këtë vit. Drejtori i Galerisë Kombëtare të Arteve njoftoi se në bashkëpunim me Ministrinë e Kulturës është vendosur që sivjet ky konkurs të mos zhvillohet.

Në vend të tij Galeria Kombëtare e Arteve ka çelur ekspozitën “100 vjet vizatim” ku prezantohen 150 punime të 74 artistëve shqiptarë.

Arsyet për heqjen e konkursit “Onufri” nga kalenderi i Galerisë së Arteve nuk dihen ende, ndonëse ky konkurs ka qenë një nga evenimentet më të rëndësishme të artit pamor që zhvillohej në çdo funddhjetori.

l.m