Marku e Xhepa përgënjeshtrojnë Biberajn

Dje në shtypin e Tiranës ish zbardhur një intervistë televizive e Aleksandër Biberajt. Gazetat ia kishin marrë një frazë gjysmë të pafajshme mbi ‘takime të natyrës akademike e politike me deputetët kritikë brenda PD-së, Markun e Xhepën”, ia kishin lidhur me një frazë diversive të tijën “mbi deputetë të PD-së që po bëhen gati të hidhen me FRD-në”, dhe kishin dalë me tituj të tipit “Biberaj: Marku e Xhepa janë duke negocjuar kalimin në FRD”. Shkurt, shtypi kish shtuar mjaft spekullim në një spekullim të lehtë të vetë Biberajt.

Por Marku e Xhepa nuk kanë pritur gjatë. Një ditë më pas, dmth sot, të dy ata, edhe pse u mbahen kritikave që kanë bërë, kanë dhënë deklarata të forta luajaliteti ndaj PD-së. Mark Marku është shprehur në Panorama qartë e prerë, se “Biberaj nuk thotë të vërtetën, se s’kam biseduar kurrë për përfshirjen time në FRD, se s’më ka shkuar kurrë në mendje një gjë e tillë, se unë nuk i përkas kulturës së ikjes, por kulturës së qëndresës, etj”. Ndërsa Xhepa flet fare shkurt për Gazetën Shqiptare, por po aq qartë e prerë sa Marku, dhe thotë se “do të qëndroj në PD, dhe askush s’duhet të ketë dyshim për këtë”.

Re.Pu.