Maqedonia në pritje të ethshme për ebolën, në spitalin e Shkupit vdes një britanik me simptoma të ngjashme
Ethe paniku në Maqedoni. Vdekja e britanikut ka bërë në një spital të Shkupit mjekët të ngrejnë dyshimin se ai kishte simptoma të ebolas. Rezultatet përfundimtare pritet të mbërrijnë nga Gjermania. Sipas agjensisë “INA”, autoritetet e Klinikës Infektive në Shkup theksuan se për 48 orë do të dihet se pacienti anglez i lindur në 1956 a ishte i sëmurë nga ebola apo ndonjë virus tjetër hemorragjik. Mostrat nga obduksioni i kryer menjëherë janë dërguar në një laborator prestigjioz gjerman dhe pritet rezultati i tyre për të konfirmuar se a ka ebolë në Maqedoni. “Ina” njofton se britaniku kishte hyrë në vend më 2 tetor, dhe kishte qëndruar në hotelin Super 8 në qendrën tregtare Mavrovasja në Shkup, i shoqëruar nga një partner i tij i biznesit. Partneri i tij vazhdon të jetë i izoluar dhe se ai ka thënë se nuk kishin udhëtuar në vendet afrikane ku është përhapur virusi vdekjeprurës.
L.V
Add new comment