Mëngjes dekretesh në Presidencë: Llalla, kryeprokurori i ri. 23 Qershori, data e zgjedhjeve

Faqja zyrtare e Presidentit të Shqipërisë ka publikuar sot paradite njëri pas tjetrit 2 dekrete të rëndësishme. I pari është ai për kryeprokurorin e ri. Shkruhet në këtë faqe:

"Në mbështetje të nenit 93 dhe nenit 149.1 të Kushtetutës, si dhe të nenit 7, pika 1, të ligjit nr. 8737 , datë 12.02.2001 “Për organizimin dhe Funksionimin e Prokurorisë në Republikën e Shqipërisë, i ndryshuar, D e k r e t o j: Neni 1: Zoti Adriatik Llalla, emërohet Prokuror i Përgjithshëm i Republikës së Shqipërisë. Neni 2: Ky dekret hyn në fuqi menjëherë. Nr. Dekretit 7840
I dyti është dekretimi i datës së zgjedhjeve që do jetë 23 qershori. Në këtë dekret lexohet: "Në mbështetje të nenit 92 shkronja “gj” dhe 93 të Kushtetutës së Republikës së Shqipërisë, si dhe të nenit 9, paragrafi 1, të ligjit nr. 10019 , datë 29.12.2008 “Kodi Zgjedhor i Republikës së Shqipërisë” i ndryshuar, D e k r e t o j Neni 1 Zgjedhjet për Kuvendin të zhvillohen ditën e diel, më datë 23 qershor 2013. Neni 2 Ky dekret hyn në fuqi menjëherë. Nr. Dekretit 7841"

Më shumë:
http://president.al/